Mkhitaryan tallet me Granit Xhakën në stërvitje

10:58 | 1 Gusht 2018
Arbresh Info

Henrikh Mkhitaryan është tallur gjatë stërvitjeve te Arsenali me bashkëlojtarin e tij – Granit Xhakën.

Xhaka u rikthye në stërvitjet para-sezonale këtë javë pas edicionit te kombëtarja e Zvicrës në Kampionatin Botëror dhe atij i janë bashkuar edhe lojtarët e rinj si Stephan Lichtsteiner dhe Lucas Torreira, transmeton portali arbresh.info.

Por, Xhaka nuk dukej plotësisht i fokusuar dhe Mkhitaryan ua bëri të qartë bashkëlojtarëve të tij se ishte plotësisht në dijeni rreth gabimit të kosovarit.

Lojtarët e Arsenalit kishin arritur deri në 16 pasime derisa Pierre Emerick Aubameyang dhe Reiss Nelson po qëndronin në mes në përpjekje për t’i ndërprerë.

Por, e gjithë kjo dështoi kur Xhaka pasoi gabimisht topin.

Menjëherë pas këtij gabimi, një lojtar i Arsenalit dëgjohet duke thënë: “Granit, zgjohu”.

Por, Mkhitaryan reagon menjëherë më pas duke thënë: “Çfarë keni bërë me këmbën tuaj të djathtë gjatë pushimeve”

Xhaka e mori të gjithë këtë me humor dhe hyri në mes të rrethit./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm